نیویارک(این این آئی)آل انڈیا مجلس اتحاد المسلمین (اے آئی ایم آئی ایم)کے رہنما اسدالدین اویسی نے ایک چونکا دینے والا بیان دیتے ہوئے کہا ہے کہ بھارت کے امیر ترین شخص مکیش امبانی کا 15 ہزار کروڑ مالیت کا گھر اینٹیلیا کی اراضی دراصل وقف ٹرسٹ کی ملکیت تھی، جس پر عوامی بحث شروع ہوگئی ہے۔

بھارتی ٹی وی کے مطابق اس دوران اسد الدین اویسی اور دہلی کے سابق وزیر اعلی اروند کیجریوال کی پرانی ویڈیوز بھی دوبارہ سامنے آئیں، جن میں دونوں نے کہا تھا کہ یہ اراضی یتیم خانہ اور دینی مدرسہ کے لیے مختص تھی اور اس کو قانونی طور پر فروخت نہیں کیا گیا۔رپورٹس کے مطابق، یہ اراضی 1986 میں کریم بھائی ابراہیم نے وقف بورڈ کے حوالے کی تھی، جس کے بعد 2002 میں یہ اراضی مکیش امبانی کو 21.5 کروڑ روپے میں فروخت کر دی گئی۔