دبئی(این این آئی)متحدہ عرب امارات میں دبئی پولیس نے رمضان کے وسط تک 127گداگروں کو گرفتار کیا ،ان کے قبضے سے 50ہزار درہم برآمد ہوئے ہیں۔امارات الیوم کے مطابق دبئی پولیس کے جنرل ڈیپارٹمنٹ آف کریمنل انویشٹی گیشن نے دبئی پولیس سٹیشنوں کے تعاون سے کارروائی کی۔

حکام نے کہا کہ انسداد گداگری مہم میں سخت اور فیصلہ کن اقدامات کے باعث گداگروں کی سالانہ تعداد میں کمی آرہی ہے۔رمضان کے دوران انسداد گداگری کیلئے کارروائیوں کو تیز کرتے ہوئے ایک جامع سکیورٹی پلان بنایا کیا گیا ہے، ان علاقوں میں گشت بڑھادیا گیا جہاں گداگروں کی موجودگی کا امکان ہے۔