نئی دہلی (این این آئی )بھارتی ریاست اتراکھنڈ میں 57 افراد برفانی تودے تلے دب گئے۔بھارتی میڈیا کے مطابق برفانی تودے میں دبے 47 افراد کی تلاش جاری ہے ، ریسکیو اہلکاروں نے 10 افراد کو زندہ بچا لیا۔ تودے میں دب جانے والے افراد سڑکی کی تعمیر میں مصروف تھے۔حکام نے جمعہ کو بتایا کہ بارڈر روڈز آرگنائزیشن کے پروجیکٹ سائٹ پر کام کرنے والے 57 مزدور چمولی میں ہندوستان کے شمالی ترین گاں مانا کے قریب برفانی تودہ گرنے کے بعد پھنس گئے۔ مقامی حکام نے بتایا کہ اب تک 10 مزدوروں کو بچایا جا چکا ہے۔