پونا (این این آئی)بھارتی شہر پونا کے ایئر پورٹ پر 3 طلبا کے سامان سے 4 لاکھ امریکی ڈالرز تقریبا 3.5 کروڑ روپے برآمد کر لیے گئے۔میڈیارپورٹس کے مطابق حکام کا کہنا تھا کہ 3 طلبا کی دبئی سے واپسی کے دوران ان کے سامان کی تلاشی لی گئی، جس میں سے کتابوں کے صفحات میں چھپائے گئے لاکھوں امریکی ڈالرز پکڑ لیے گئے۔

تحقیقات سے معلوم ہوا ہے کہ یہ بیگز پونا کی ٹریول ایجنٹ خوشبو اگروال کے تھے، جنہوں نے طلبا سے کہا تھا کہ بیگز میں میرے دفتر کی دستاویزات ہیں جو دبئی میں دفتر کے لیے ضروری ہیں، طلبا بیگز میں موجود رقم سے لا علم تھے۔مزید تحقیقات میں ممبئی کے فورٹ علاقے میں واقع ایک فاریکس فرم سے 45 لاکھ روپے کی غیر ملکی کرنسی بھی برآمد ہوئی ہے، کرنسی کی سپلائی میں ملوث محمد عامر نامی شخص کو گرفتار کر لیا گیا ہے۔