کولمبو(این این آئی)سری لنکا میں آج ہونے والے بجلی کے طویل بریک ڈائون کی وجہ سے معمولات زندگی معطل ہو کر رہی گئی، ابتدائی طور پر اس کا سبب ایک بندر کو ٹہرایا گیا ہے۔غیر ملکی خبر رساں ادارے کے مطابق ہونے والے بریک ڈائون کی وجہ سے ملک بھر میں معمولات زندگی معطل ہو گئی، جبکہ اسپتالوں میں متعدد آپریشن منسوخ کرنا پڑے۔
سری لنکن حکام کا کہنا تھا کہ جنوبی کولمبو میں سیلون الیکٹرسٹی بورڈ کے گرڈ اسٹیشن میں پیر کی صبح 11 بجے تکنیکی خرابی پیدا ہو گئی تھی، انجینئرز اور عملے نے 3 گھنٹے کی کوششوں کے بعد بجلی بحال کی۔حکام کے مطابق اب بھی متعدد علاقے بجلی سے محروم ہے، جہاں بجلی کی بحالی کے لیے عملہ کام کر رہا ہے۔دلچسپ بات یہ کہ ملک میں بجلی کے اس بریک ڈائون کا ذمہ دار ایک بندر کو ٹہرایا گیا ہے، وزیر توانائی کمارا جیا کوڈے کے مطابق گرڈ اسٹیشن میں ایک بندر گھس گیا تھا جس کی گرڈ کے آلات کے ساتھ چھیڑ چھاڑ کی وجہ سے بجلی کی فراہمی معطل ہوئی۔بریک ڈائون میں بندر کی کارستانی کے حوالے سے مزید کوئی تفصیل سامنے نہیں آئی ۔
