بنکاک (این این آئی )تھائی لینڈ میں ہم جنس پرست کو شادیوں کی اجازت دیدی گئی، بنکاک میں سیکڑوں جوڑے شادی کے بندھن میں بندھ گئے۔میڈیارپورٹس کے مطابق تھائی لینڈ کا شہر بنکاک ہم جنس پرست شادیوں کی قانونی اجازت دینے والا پہلا جنوب مشرقی ایشیائی ملک بن گیا ہے۔اس تاریخی قانون سازی کو تھائی پارلیمنٹ نے منظور کیا اور گزشتہ سال ملک کے بادشاہ کی طرف سے توثیق حاصل کی۔

نئے قانون کے تحت، ہم جنس پرست جوڑے مکمل قانونی، مالی، اور طبی حقوق کے ساتھ ساتھ گود لینے اور وراثت کے حقوق کا بھی فائدہ اٹھا سکتے ہیں۔بنکاک پرائیڈ کے مطابق، کم از کم 200 جوڑوں نے سیام پیراگون شاپنگ سینٹر میں شادی کے لیے سائن اپ کیا، جہاں مقامی حکام نے اس تقریب کا اہتمام کیا۔رپورٹس کے مطابق، تھائی لینڈ کے مختلف شہروں، جیسے پتایا بیچ اور چیانگ مائی، میں بھی ہم جنس پرست شادی کی تقریبات منعقد کی جارہی ہیں۔