نئی دہلی (این این آئی)بھارتی دارالحکومت دہلی زوردار دھماکے سے لرز اٹھا۔بھارتی میڈیا کے مطابق نئی دہلی کا علاقہ پرشانت وہار میں خوف ناک دھماکے کی آواز سنی گئی۔ دھماکا ایک سینما ہال کے نزدیک ہوا۔دھماکے کی آواز دور دور تک سنی گئی۔ پولیس، فائر بریگیڈ کی گاڑیاں اور ایمبولینسوں کو جائے دھماکا کی جانب جاتے دیکھا گیا ۔قانون نافذ کرنے والے اداروں نے دھماکے کی جگہ کا محاصرہ کرلیا۔
شہریوں کو محفوظ مقام پر منتقل کیا جا رہا ہے۔ میڈیا سمیت کسی کو بھی دھماکے کی جگہ جانے کی اجازت نہیں۔دھماکا عین اس وقت ہوا جب سابق وزیراعلی اروند کیجروال ایک پریس کانفرنس سے خطاب کر رہے تھے جس میں انھوں نے دہلی کو سب سے غیر محفوظ شہر قرار دیا۔دھماکے سے متعلق مزید خبروں اور تفصیلات کا انتظار ہے۔
