پٹنہ (این این آئی )بھارت کے ایک اسپتال کے مردہ خانہ میں رکھی ہوئی لاش کی ایک آنکھ غائب ہوگئی، عملے نے چوہوں پر حملے کا الزام عائد کردیا۔بھارتی ٹی وی کے مطابق بھارت کے شہر پٹنہ کے اسپتال میں دوران علاج ہلاک ہونے والے مریض کی لاش کی ایک آنکھ مبینہ طور پر مردہ خانے میں چوہے کتر گئے۔

پٹنہ کے نالندہ میڈیکل کالج اینڈ اسپتال میں گزشتہ روز گولی لگنے سے زخمی ہونے والے فینٹس کمار نامی شخص کو لایا گیا، جہاں دوران علاج اس کی موت واقع ہوگئی تاہم لواحقین نے الزام عائد کیا کہ انتظامیہ کے کچھ لوگ انسانی اعضاء کی سمگلنگ میںملوث ہوسکتے ہیں۔