تل ابیب /صنعا/بیروت (این این آئی )لبنان سے اسرائیل کے شمالی علاقوں میں تقریبا 100راکٹ داغے گئے۔غیرملکی خبررساں ادارے نے بتایاکہ اسرائیلی فوج کے مطابق لبنان سے داغے جانے والے راکٹوں سے کوئی زخمی نہیں ہوا۔اس حوالے سے حوثی ترجمان کا کہنا تھا کہ اسرائیل کے خلاف کسی بھی مشترکہ فوجی کارروائی میں حصہ لینے کے لیے تیار ہیں۔حوثی ترجمان نے یہ بھی کہا ہے کہ غزہ اور لبنان پر جاری اسرائیلی جارحیت رکنے تک فوجی حملیجاری رہیں گے۔واضح رہے کہ اسرائیلی فوج نے لبنانی سرحد میں داخل ہونے کی کوشش کی ہے۔

عرب میڈیا کی رپورٹ کے مطابق العدیسہ میں اسرائیلی فوج اور حزب اللہ میں جھڑپوں کے دوران اسرائیلی فوج کے 4 ہلاک جبکہ 20 زخمی ہو گئے۔رپورٹ میں بتایا گیا ہے کہ اسرائیلی فوج کے جنگی ہیلی کاپٹر نے ہلاک اور زخمی فوجیوں کو لانیکے لیے ہنگامی آپریشن بھی کیا۔رپورٹ کے مطابق اسرائیلی فوج نے بیروت پر کم از کم 14 مرتبہ فضائی بم باری کی۔فضائی بم باری بیروت کے جنوبی ٹان کے علاقوں حریک، برج البراجنہ پر کی گئی۔رپورٹ میں یہ بھی بتایا گیا ہے کہ اسرائیلی فوج کی بم باری سے قبل شہریوں کو ان علاقوں سے 500 میٹر دور رہنے کی ہدایت جاری کی گئی۔