تہران(این این آئی)ایران کی طرف سے اسرائیل پر درجنوں میزائلوں سے کیے گئے حملے کے بعد اسرائیلی وزیراعظم بنجمن نیتن یاہو نے دعوی کیا ہے کہ اسرائیل پر ایرانی میزائل حملہ ناکام ہو گیا ہے۔میڈیارپورٹس کے مطابق انہوں نے ایک سیاسی اور عسکری قیادت کے ایک اجلاس دوران مزید کہا کہ ایران نے آج رات ایک بہت بڑی غلطی کی ہے اور وہ اس کی قیمت چکائے گا۔
ایران کی حکومت ہمارے عزم کو نہیں سمجھتی اور وہ سمجھے گی۔نیتن یاھو نے کہا کہ اسرائیل غزہ، مغربی کنارے، لبنان، یمن اور شام میں برائی کے محور سے لڑ رہا ہے۔انہوں نے کہا کہ جو بھی اسرائیل پر حملہ کرے گا اس پر حملہ کیا جائے گا۔ اس کا اطلاق برائی کے ایرانی محور پر ہوتا ہے۔انہوں نے ایران سے داغے گئے میزائلوں کو پسپا کرنے کا حوالہ دیتے ہوئے کہا کہ امریکہ نے اسرائیل کی دفاعی کوششوں کی حمایت میں حصہ لیا۔
