واشنگٹن (آن لائن) امریکا میں بڑھتی ہوئی مہنگائی سے متعلق سوال پر صدر جوبائیڈن بھڑک اٹھے ا ور مائیک پر فاکس چینل کے رپورٹر کو گالیاں بک دیں۔ ملکی میڈیا رپورٹ کے مطابق وائٹ ہاؤس میں ہفتہ وار میڈیا بریفنگ کے دوران جب ایک صحافی نے صدر بائیڈن سے سوال کیا کہ ‘ آپ مہنگائی سے متعلق سوال کا جواب دیں گے؟ کیاآپ کو لگتا ہے کہ مڈٹرمز میں بڑھتا ہوا افراط زر
سیاسی ذمے داری ہے؟ جس پر جو بائیڈن طیش میں مبتلا ہو گئے اور انہوں نے جذبات سے عاری چہرے کے ساتھ رپورٹر کو فحش گالی دے دی۔ جسے مائیک پر وہاں موجود افراد نے سن لیا۔ میڈیا رپورٹ کے مطابق بائیڈن نے اس واقعے کے ایک گھنٹے بعد ہی صحافی سے فون کرکے اپنی غلطی تسلیم کی اور معافی مانگ لی تھی۔
