واشنگٹن (آن لائن)نومنتخب امریکی صدر جوبائیڈن کا کہنا ہیکہ وہ اقتدار سنبھالتے ہی امریکی عوام کو صرف 100 روز ماسک پہننے کی ہدایت کریں گے۔ ملکی میڈیا کو دیے گئے انٹرویو میں جوبائیڈن نے کہا کہ وہ صدر کا عہدہ سنبھالنے کے بعد امریکی عوام کو ہدایت کریں گے گے کہ وہ ان کے ابتدائی 100 روز میں ماسک پہنیں تاکہ کورونا پر قابو پایا جاسکے۔جوبائیڈن نے کہا کہ
عوام سے ہمیشہ کے لیے ماسک پہننے کا نہیں کہوں گا یہ صرف 100 دن کی بات ہے، یقین ہیکہ اگر ہر امریکی شہری ماسک پہنے تو کورونا میں تیزی سے کمی ہوسکتی ہے۔ان کا کہنا تھا کہ وہ سرکاری اداروں میں بھی ماسک کے لازمی استعمال کے احکامات جاری کریں گے۔جوبائیڈن نے مزید کہا کہ ان کے خیال میں اگر عوام ماسک پہنتے ہیں اور اس کے ساتھ ہی ویکسی نیشن کا عمل بھی ہوتو ہم کورونا کو تیزی سے ختم کریں گے۔نومنتخب صدر کا کہنا تھاکہ میری نائب صدر کاملا ہیرس فیس ماسک پہن کر ایک مثال بن کر دکھائیں گی جب کہ میں ایک ا?رڈر جاری کروں گے جس کے تحت سرکاری اداروں میں ماسک پہننا لازم ہوگا، اس کے علاوہ ٹرانسپورٹیشن، اندرون ملک ٹرانسپورٹیشن، جہازوں، بسوں اور دیگر مقامات پر بھی ماسک پہننا ہوگا۔جوبائیڈن نے وبائی امراض کے ماہر انتھونی فاؤچی کو مشیر بننے کی پیشکش کرتے ہوئے کہا کہ وہ چاہتے ہیں انتھونی فاؤچی نئی انتظامیہ میں بطور چیف میڈیکل ایڈوائزر کام کریں۔
