بھارت کو مزید علاقے چھن جانے کا خوف ۔۔۔  خصوصی کمانڈوز کا دستہ چین کیساتھ لگنے والی سرحدوں پر تعینات

  اتوار‬‮ 29 ‬‮نومبر‬‮ 2020  |  18:24

سرینگر(این این آئی)بھارت نے غیر قانونی طورپر اپنے زیر قبضہ جموںوکشمیرکے لداخ خطے میںچین کے ساتھ جاری کشیدگی کے دوران پینگ گانگ جھیل پر ’’میرین کمانڈوز ‘‘ تعینات کئے ہیں اور اْنہیں جدید سازو سامان سے لیس کیا جارہا ہے۔کشمیر میڈیا سروس کے مطابق بھارتی فوج کے خصوصی کمانڈوز کو بھی چین کیساتھ لگنے والی سرحدوں پر تعینات کیا گیا ہے۔لداخ میں حقیقی کنٹرول لائن پربھارتی اور چینی افواج کے درمیان جاری کشیدگی کے دوران بھارتی حکومت نے غیر معمولی فیصلے کے تحت پینگ گانگ جھیل پر میرین کمانڈوز تعینات کئے ہیں۔ ان کمانڈوز کو خصوصی ہتھیاروں سے لیس کیا


گیا ہے جبکہ سردی سے بچنے کی خاطر مذکورہ اہلکاروں کو خصوصی وردی بھی فراہم کی گئی ہے۔ پینگ گانگ جھیل پر سپیشل کمانڈوز کی تعیناتی کے بعد لداخ میں ایک بار پھر چین اور بھارت کی افواج کے درمیان کشیدگی کا ماحول دیکھا جارہا ہے۔ میڈیا رپورٹس کے مطابق میرین کمانڈوز کیلئے خصوصی کشتیاں بھی لائی جارہی ہیں تاکہ سردی کے ایام میں وہ بہتر طریقے سے اپنے فرائض انجام دے سکیں۔ میڈیا رپورٹس میں کہا گیا ہے کہ بھارتی حکومت چین کے ساتھ لگنے والی سرحدوں پر زمینی افواج کے خصوصی دستے بھی تعینات کرنے جارہی ہیں۔ پینگ گانگ جھیل کے ساتھ ساتھ دوسرے اہم سیکٹروں میں بھی بھارتی افواج کو جدید سازو سامان سے لیس کرنے کے لئے اقدامات کئے جا رہے ہیں۔ سرکاری ذرائع نے اس بات کی تصدیق کی ہے کہ لداخ میں بھارتی افواج کو جدید خطوط پر استوار کرنے کی خاطر اْنہیں جدید اسلحہ سے لیس کیا جارہا ہے۔مذکورہ ذرائع نے یہ بھی بتایا کہ بھارتی حکومت لداخ میں کوئی خطرہ مول لینے کی پوزیشن میں نہیں ہے۔ چار ماہ قبل پینگ گانگ جھیل کے قریب ہی بھارتی اورچینی افواج کے درمیان تصادم ہوا تھا جس میں 20 بھارتی فوجی ہلاک ہوگئے تھے۔


زیرو پوائنٹ

ایک غلط گیند

آپ اگر موجودہ سیاسی حالات کو سمجھنا چاہتے ہیں تو پھر آپ کو دو شخصیات اور مضبوط ترین ادارے کا تجزیہ کرنا ہو گا‘ پہلی شخصیت عمران خان ہیں‘ عمران خان کے تین پہلو ہیں‘ یہ فاسٹ بائولر ہیں‘ عمران خان نے 20سال صرف بائولنگ کرائی اور بائولنگ بھی تیز ترین چناں چہ یہ فاسٹ بائولنگ ان کی شخصیت کا ....مزید پڑھئے‎

آپ اگر موجودہ سیاسی حالات کو سمجھنا چاہتے ہیں تو پھر آپ کو دو شخصیات اور مضبوط ترین ادارے کا تجزیہ کرنا ہو گا‘ پہلی شخصیت عمران خان ہیں‘ عمران خان کے تین پہلو ہیں‘ یہ فاسٹ بائولر ہیں‘ عمران خان نے 20سال صرف بائولنگ کرائی اور بائولنگ بھی تیز ترین چناں چہ یہ فاسٹ بائولنگ ان کی شخصیت کا ....مزید پڑھئے‎