مقبوضہ بیت المقدس (این این آئی) متحدہ عرب امارات کے اسرائیل سے دوستی کے خلاف سرگرم مزاحمتی رابطہ گروپ کی طرف سے جاری ایک بیان میں عوام سے اپیل کی گئی ہے کہ وہ صہیونی ریاست کی مصنوعات کا بائیکاٹ کریں۔مرکزاطلاعات فلسطین کے مطابق مزاحمتی

رابطہ گروپ کی طرف سے جاری ایک بیان میں کہا گیا کہ صہیونی ریاست کی مصنوعات جلد ہی ابو ظبی کی مارکیٹ میں یلغار کرنے والی ہیں۔ اسرائیل اور امارات کے درمیان دوستانہ تعلقات کے قیام کے بعد اسرائیل اپنی مصنوعات کی بڑی کھیپ امارات میں بھیجنے والا ہے۔ اس لیے عوام سے اپیل کی جاتی ہے کہ وہ فلسطینی نصب العین کی حمایت کرتے ہوئے صہیونی ریاست کی مصنوعات کا کھل کر بائیکاٹ کریں۔قبل ازیں رابطہ گروپ نے امارات کی طرف سے ابوظبی میں اسرائیل کا سفارت خانہ کھولنے اور تل ابیب میں اماراتی سفارت خانہ قائم کرنے کی تیاریوں کی مذمت کرتے ہوئے حکومت سے اسرائیل کے ساتھ تعلقات پرںظر ثانی کا مطالبہ کیا گیا۔یہ رابطہ گروپ 22 اگست کو امریکی صدر ڈونلڈ ٹرمپ کے اس اعلان کے بعد قائم کیا گیا ہے جس میں کہا گیا تھا کہ 13 اگست کو امارات اور اسرائیل نے دوستانہ تعلقات کے قیام کا فیصلہ کیا ہے۔بائیکاٹ گروپ میں امارات کے دانشور، علما، سماجی اور سیاسی شخصیات اور مختلف شعبہ ہائے زندگی سے تعلق رکھنے والی شخصیات شامل ہیں۔