غزہ (آن لائن) اسرائیلی فوج پاگل ہو گئی ۔غزہ کے مغربی کنارے میں راملہ کے علاقے میں فلسطینیوں کے 8 گھر مسمار کر دیئے۔ مشرقی راملہ کے رہائشی عبدالرحیم مصلح نے بتایا کہ اسرائیلی فوج نے علی الصبح علاقے میں زبردستی داخل ہو کر لوگوں کو گھروں سے نکالا

اور ان کے گھر بڑی مشینوں کے ذریعے مسمار کر دیئے۔ان گھروں میں رہائش کے علاوہ فلسطینیوں نے بھیڑ بکریاں بھی پالی ہوئی تھیں۔ اسرائیلی فوج نے تمام گھر مسمار کر کے سامان بھی توڑ پھوڑ دیا۔اس وقت راملہ کی وادی السق میں فلسطینیوں کے 200 گھر موجود ہیں۔ یہاں رہائش کے ساتھ ساتھ تجارت کے لئے بھیڑ بکریاں بھی پالی جاتی ہیں۔مغربی کنارے کے اے ایریا کا 18 فیصد علاقہ فلسطینی اتھارٹی کے کنٹرول میں ہے جس میں وہ سکیورٹی فراہم کرتی ہے۔بی ایریا کا 21 فیصد علاقہ فلسطین کی سول اتھارٹی کے پاس ہے لیکن اس کی سکیورٹی اسرائیلی فوج کے پاس ہے۔سی ایریا مغربی کنارے کا 61 فیصد علاقہ اسرائیلی کنٹرول میں ہے۔