نئی دہلی (مانیٹرنگ ڈیسک) چین نے اپنے جدید ترین جنگی جہاز کے جے 20 اسٹیلتھ بھارتی سرحد پر پہنچا دیے۔ بھارتی میڈیا نے دعویٰ کرتے ہوئے کہا کہ اس بات کی تصدیق بذریعہ سیٹلائٹ تصاویر کی گئی ہے۔ بھارت فرانس سے رافیل جنگی طیارے لے کر بہت خوش تھا اور آسمان سے باتیں کر رہا تھا اور کچھ کچھ اپنے حواس بھی کھو رہا تھا لیکن جیسے ہی بھارتی میڈیا اور مودی سرکار پر اس بات کا انکشاف ہوا ان کی

نیندیں حرام ہو گئی ہیں، چین کی جانب سے جدید جے 20 اسٹیلتھ جنگی طیارے بھارت کی سرحد کے قریب پہنچا نے کے حوالے سے کوئی باقاعدہ بیان جاری نہیں کیا گیا ہے،لیکن بھارتی میڈیا نے اس بات کی تصدیق کی ہے ان کا کہنا ہے کہ بھارتی سرحد کے قریب چینی ائیربیس پر 2 چینی جے 20 جنگی طیاروں کو تعینات کیا گیا ہے۔دونوں ممالک کے درمیان کشیدگی برقرار ہے جو ابھی تک ختم نہیں ہو سکی ہے۔