بدھ‬‮ ، 17 ستمبر‬‮ 2025 

امریکی اہم سفارتی عہدیدار نے مستعفی ہونے کا اعلان  کر دیا 

datetime 7  اگست‬‮  2020
ہمارا واٹس ایپ چینل جوائن کریں

واشنگٹن (این این آئی )امریکا کے خصوصی ایلچی برائے ایران برائن ہک نے اپنی سفارتی ذمے داریوں سے سبکدوش ہونے کا اعلان کردیا ہے۔غیرملکی خبررساں ادارے کے مطابق انھوں نے ایک انٹرویو میں اس امر کی تصدیق کی کہ وہ اپنے عہدے سے دستبردار ہو رہے ہیں۔توقع ہے کہ اب ان کی جگہ ایلیٹ ابرامس کو امریکا کا خصوصی ایلچی برائے ایران مقرر کیا جائے گا۔

وہ اس وقت وینزویلا کے لیے محکمہ خارجہ کے خصوصی نمایندے ہیں۔برائن ہک نے انٹرویو میں کہا کہ بعض اوقات تو یہ ایک سفر ہوتا ہے اور بعض اوقات ایک منزل ہوتی ہے۔ایران کے بارے میں ہماری حکمتِ عملی کے ضمن میں یہ دونوں باتیں ہیں۔ہم ایرانی نظام کے ساتھ ایک نئی ڈیل چاہتے ہیں مگر اس دوران میں ہمارے دبائو نے ان کی معیشت کا دھڑن تختہ کردیا ہے۔انھوں نے اس عرصے میں اپنی اور امریکا کی کامیابیوں کا ذکر کرتے ہوئے کہا کہ اگر کم وبیش ہرپہلو سے دیکھا جائے تو ایرانی نظام اور اس کی آلہ کار دہشت گرد ملیشیاں اب ساڑھے تین سال پہلے کے مقابلے میں کہیں زیادہ کم زور ہوچکی ہیں۔ان کا کہنا تھاکہ ڈیل یا کسی ڈیل کے بغیر بھی، ہم بہت کامیاب رہے ہیں۔امریکی وزیر خارجہ مائیک پومپیو نے برائن ہک کی سبکدوشی پر ان کی محکمہ خارجہ اور صدر ڈونلڈ ٹرمپ کی انتظامیہ کے لیے خصوصی ایلچی کی حیثیت سے خدمات کو سراہا اور کہا کہ وہ اب نجی شعبے میں جارہے ہیں۔ان کا کہنا تھا کہ ہک ان کی قیادت میں محکمہ خارجہ کی ٹیم کے ایک قابل قدر رکن رہے ہیں۔

موضوعات:

آج کی سب سے زیادہ پڑھی جانے والی خبریں


کالم



انسان بیج ہوتے ہیں


بڑے لڑکے کا نام ستمش تھا اور چھوٹا جیتو کہلاتا…

Self Sabotage

ایلوڈ کیپ چوج (Eliud Kipchoge) کینیا میں پیدا ہوا‘ اللہ…

انجن ڈرائیور

رینڈی پاش (Randy Pausch) کارنیگی میلن یونیورسٹی میں…

اگر یہ مسلمان ہیں تو پھر

حضرت بہائوالدین نقش بندیؒ اپنے گائوں کی گلیوں…

Inattentional Blindness

کرسٹن آٹھ سال کا بچہ تھا‘ وہ پارک کے بینچ پر اداس…

پروفیسر غنی جاوید(پارٹ ٹو)

پروفیسر غنی جاوید کے ساتھ میرا عجیب سا تعلق تھا‘…

پروفیسر غنی جاوید

’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…