اسلام آباد(مانیٹرنگ ڈیسک)شام میں صدر بشار الاسد کی بیٹی کو آئن لائن شادی کی پیشکش کرنے اور محبت کا اظہار کرنیوالے والے فوجی کو گرفتار کر کے تشددد کا نشانہ بنائے جانے کی اطلاعات ہیں۔ سعودی میڈیا کے مطابق اہلکار یازان سلطانی نے صدر کی بیٹی زین الشام سے پیار کا اظہار کرنیوالی ویڈیوز مسلسل اب لوڈ کیں جو وائرل ہو گئی
جس کے بعد بعض صارفین نے اسے تنقید کا نشانہ بنایا تاہم کچھ صارفین نے اس کی حمایت کی ۔ دو روز قبل سلطانی کے فیس بک پیج پر اس کے بھائی کی جانب سے بتایا گیا کہ اس گرفتار کر لیا گیا ہے اوراس پر شدید تشدد کیا گیا ہے ،تاہم یہ نہیں بتایا گیا کہ کس نے گرفتار کیا ہے ۔ سوشل میڈیا پر سلطانی کی رہائی کا مطالبہ بھی کیا جارہا ہے ۔
