نئی دہلی(این این آئی)بھارت نے کورونا وائرس کے پھیلا ئوکو روکنے کے لیے دارالحکومت نئی دہلی کے انتیس ملین افراد کا سروے کرنے کا اعلان کیا ہے۔بھارتی ٹی وی کے مطابق طبی اہلکار گھر گھر جا کر لوگوں کی صحت کے حوالے سے معلومات اکھٹی کریں گے اور جن لوگوں میں علامات دکھائی دیں، ان کے موقع پر ہی کورونا ٹیسٹ کیے جائیں گے۔ یہ عمل چھ جولائی تک

مکمل کر لیا جائے گا۔ نئی دہلی کورونا وائرس کی وبا سے سب سے زیادہ متاثرہ بھارتی شہر ہے۔وہاں اب تک ستر ہزار سے زائد کیسز کی تصدیق ہو چکی ہے۔ پچھلے چوبیس گھنٹوں کے دوران بھارت میں ریکارڈ تقریبا سترہ ہزار نئے کیسے سامنے آئے، جس کے بعد ملک گیر سطح پر متاثرین کی تعداد 473,105 ہو گئی ہے جبکہ اسی سبب ہونے والی اموات کی تعداد 14,894 ہو چکی ہے۔

موضوعات:کرونا وائرس