اسلام آباد(مانیٹرنگ ڈیسک)بھارت ،چین سرحدی کشیدگی ،امریکہ کے بعد روس نے بھی ہاتھ اٹھا لیا ۔میڈیا رپورٹس کے مطابق روسی وزیر خارجہ سرگئی لاروف نے روس کے دورے پر آئے ہوئے اپنے بھارتی ہم منصب سے ملاقات میں کہا کہ ماسکو کا خیال ہے کہ چین اور بھارت کے درمیان ثالثی کی ضرورت نہیں،انہوں نے کہا میں سمجھتا ہوں چین اور بھارت دونوں میں کسی کو مدد کی ضرورت نہیں ۔روس دونوں ممالک کو اسلحہ سپلائی کرنے والے بڑے ممالک میں شامل ہے۔
ٹائمز آف انڈیا نے رپورٹ میں بتایا کہ اس وقت دورہ روس کے موقع پر بھارتی وزیر دفاع راج ناتھ سنگھ روس سے ایس 400 میزائل نظام کی فراہمی کا عمل جلد مکمل کرنے کا مطالبہ کرے گا جبکہ کہ اس کے ساتھ لڑاکا طیاروں، ٹینکوں اور آبدوزوں کی جلد فراہمی کا مطالبہ بھی کیا جائے گا۔بھارت کو امید تھی کہ اسلحہ فراہمی کے معاہدے کے باعث روس چین سے سرحدی کشیدگی میں نئی دہلی کی حمایت کرے گا تاہم روسی حکومت نے واضح طور پر بھارت کی مدد کرنے سے انکار کر دیا
