واشنگٹن (آن لائن )امریکی صدر ڈونلڈ ٹرمپ نے کہا ہے کہ اگر 2020 میں صدارتی الیکشن ہار گیا تو پھر کچھ اور کروں گا، تفصیلات کے مطابق امریکی صدر نے کہا کہ مشتبہ افراد کو روکنے کے لیے گلے کو مضبوطی سے پکڑنے کے طریقے کو ختم کرنا ہوگا ،ڈونلڈ ٹرمپ نے کہا کہ چوک ہولڈز پر پابندی عائد کرنا

اچھی چیز ہے ،کچھ حالات کے لیے ہمیں اس کی ضرورت پڑ سکتی ہے ، امریکی صدر نے کہا کہ ملک میں پولیس کا مضبوط قانون دیکھنا چاہتا ہوں ۔دریں اثنا امریکی محکمہ خارجہ نے پاسپورٹ کے اجرا کی درخواستوں پر تین ماہ بعد کام بحال کردیا ہے لیکن فی الحال نئی درخواستیں قبول نہیں کی جا رہیں ،میڈیارپورٹس کے مطابق محکمہ خارجہ نے کرونا وائرس کی وبا پھوٹنے کے بعد مارچ میں پاسپورٹ کے اجرا کا کام روک دیا تھا کیونکہ اس کے بیشتر ملازمین گھر سے کام پر مجبور ہوگئے تھے اس وقت امریکی پاسپورٹ کے لیے 17 لاکھ درخواستیں التوا کا شکار ہیں ، قونصلر امور سے متعلق نائب وزیر خارجہ کارل رش نے کہا کہ امریکہ بھر میں 29 میں سے 11 پاسپورٹ مراکز نے معمول کے مطابق کام کے لیے پہلے مرحلے کا آغاز کردیا ہے ملازمین کی تقریبا نصف تعداد دفاتر واپس آچکی ہے انھوں نے بتایا کہ فروری کے آخر سے جمع لاکھوں درخواستوں کو نمٹانے میں چھ سے آٹھ ہفتے لگیں گے۔