نئی دہلی (آن لائن)بھارت کے ایک نجی ہسپتال میں داخل کوروناوائرس سے متاثرہ لڑکی کو ہسپتال عملے کے دو افراد کی جانب سے زیادتی کا نشانہ بنانے پر گرفتار کر لیا گیا۔بھارتی خبر رساں ادارے کے مطابق بھارتی شہر گریٹر نوئیڈا کے ہسپتال میں کووڈ19 سے متاثر 20 سالہ مریضہ علاج کی غرض سے داخل تھی۔ متاثرہ لڑکی نے چند روز قبل ہی ایک بچے کو جنم بھی دیا تھا، علاج کے دوران اسپتال عملے کے دو افراد کی جانب سے لڑکی کو ہوس کا نشانہ بنایا گیا تھا

جس پر کارروائی کرتے ہوئے ملزمان کو گرفتار کر لیا گیا ہے۔مقامی پولیس کے مطابق اسپتال انتظامیہ کی شکایت پر 2 ملزمان ’ لوکْش اور پراوین ‘ کے خلاف ایف آئی آر درج کر لی گئی ہے، ملزمان میں سے ایک صفائی ستھرائی جبکہ دوسرا اسٹور ورکر کے طور پر اسپتال میں فرائض انجام دے رہا تھا۔دوسری جانب اسپتال کے ترجمان کے مطابق ان دونوں ملازموں کو ایک نجی ایجنسی کے ذریعے اسپتال میں نوکری دی گئی تھی، دونوں کو نوکری سے فارغ کر دیا گیا ہے۔