واشنگٹن(این این آئی)امریکی صدر ڈونلڈ ٹرمپ ایک بار پھر صحافیوں کے سوالات کا سامنا نہ کرسکے اور انہیں پریس کانفرنس ادھوری چھوڑ کر جانا پڑگیا۔میڈیارپورٹس کے مطابق امریکی صدر سے صحافی سوال پوچھ رہی تھیں کہ ڈونلڈ ٹرمپ نے سوال ہی پورا نہیں ہونے دیا اور دوسرے صحافی کی طرف متوجہ ہوگئے اور ان سے کہا کہ آپ بتائیں آپ کیا پوچھنا چاہتی ہیں۔امریکی صدر کے اس رویے پر دوسری خاتون صحافی نے کہا کہ
وہ چاہیں گی کہ پہلے پہلی صحافی ہی کا سوال پہلے پورا سن لیا جائے۔ اس پر امریکی صدر ڈونلڈ ٹرمپ مزید آگ بگولا ہوگئے اوردونوں صحافیوں کی بات کا ٹ دی۔بعدازاں دوسری صحافی نے اپنا سوال پوچھنا شروع کیا تو ٹرمپ نے ان کا سوال بھی نہ سنا اور پریس کانفرنس ادھوری چھوڑ کر چلے گئے۔خیال رہے کہ ماضی میں صدر ٹرمپ سیاہ فام صحافی اپریل رائن سے طنزیہ پوچھ چکے ہیں کہ کیا وہ کانگریشنل بلیک کاکس کے سربراہ سے ان کی ملاقات کرواسکتی ہیں
