ممبئی(این این آئی )بھارت میں لاک ڈاون کے دوران ہجوم کی طرف سے تشدد کا نشانہ بنانے کے واقعات میں دن بہ دن اضافہ ہو رہا ہے۔بھارتی ٹی وی کے مطابق بھارتی ریاست مہاراشٹر کے شہر پالگڑھ میں تین افراد کو سو سے زائد افراد نے تشدد کر کے مار ڈالا، ہجوم کی طرف سے تین شہریوں کے قتل کی ویڈیو وائرل ہو گئی ہے۔ویڈیو میں لوگوں کے تشدد کے دوران پولیس اہلکار بھی ہجوم کے ساتھ
نظر آ رہے ہیں۔پولیس کا کہنا تھا کہ قتل کیے جانے والے تینوں افراد ایک گاڑی میں سفر کر رہے تھے۔ ہجوم نے تینوں افراد کو چور ہونے کے شبہے میں تشدد کا نشانہ بنایا۔پولیس کے مطابق 2 پولیس اہلکاروں کو معطل اور 100 افراد کو گرفتار کر لیا گیا ہے۔دوسری جانب مہاراشٹر کے وزیر اعلی کا کہنا تھا کہ واقعہ کو مذہبی رنگ نہ دیا جائے، یہ غلط فہمی کا نتیجہ تھا۔
