لندن(این این آئی) برطانیہ میں پچھلے 24 گھنٹوں کے دوران کورونا وائرس سے مزید 888 افراد ہلاک ہوگئے۔وزارت صحت کی طرف سے جاری اعدادو شمار کے مطابق برطانیہ میں کورونا وائرس سے ہلاکتوں کی مجموعی تعداد 15 ہزار 464 ہوگئی ہے۔اعدادوشمار کے مطابق برطانیہ میں 114217 افراد کورونا وائرس سے متاثر ہوئے ہیں۔ برطانیہ دنیا بھر کے کورونا وائرس سے متاثرہ ممالک

میں پانچویں نمبر پر آگیا۔عالمی وبا دنیا میں کورونا وائرس سے متاثرہ افراد کی تعداد ساڑھے بائیس لاکھ سے بڑھ گئی ہے جبکہ ایک لاکھ 54 ہزار سے زائد ہلاک ہو چکے ہیں۔گزشتہ چوبیس گھنٹوں کے دوران دنیا بھرمیں ساڑھے آٹھ ہزار سے زائد افراد ہلاک ہوئے ہیں۔ اب تک مجموعی طورپر پانچ لاکھ ستر ہزار سے زائد افراد کورونا وائرس کو شکست دے کر صحتیاب ہو چکے ہیں۔

موضوعات:برطانیہ میں کرونا وائرس کی خوفناک تباہ کاریاں