دبئی( آن لائن) دبئی میں کورونا وائرس کے پھیلائوکو روکنے اور شہر کو جراثیم سے پاک کرنے کے لیے جاری مہم میں توسیع کی گئی ہے۔ لاک ڈائون مزید ایک ہفتے تک نافذ رہے گا۔عرب نیوز نے دبئی میڈیا سٹی کے حوالے سے بتایا ہے کہ چوبیس گھنٹے کے لاک ڈائون کے دوران شہربھر میں نقل وحرکت پر سخت پابندیاں عائد رہیں گی۔خلاف ورزی کرنے والوں

کے خلاف قانونی کارروائی کی جائیگی۔دبئی میڈیا آفس نے ٹوئٹر پر بیان میں کہا ہے کہ’ دبئی میں سپریم کمیٹی آف کرائسز اینڈ ڈیزاسٹر مینجمنٹ نے توسیع کافیصلہ اس اقدام سے ملنے والی کامیابیوں کی روشنی میں کیا ہے۔یاد رہے کہ چوبیس گھنٹے کے لاک ڈائون کا اعلان ہفتہ چار اپریل کو کیا گیا تھا۔اس سے قبل رات آٹھ سے صبح چھ بجے تک لاک ڈائون کیا جا رہا تھا۔

موضوعات:دبئی لاک ڈائون