نیویارک (مانیٹرنگ ڈیسک) کروناوائرس سے متاثرہ مریضوں کے علاج کے لئے دوا تیار کر لی گئی، امریکی ڈاکٹر ولادیمیر زیلینکو نے کرونا سے متاثرہ 699 مریضوں کا کامیاب علاج کر لیا۔ نیو یارک میں بورڈ سے تصدیق شدہ فیملی پریکٹیشنر ڈاکٹر ولادیمیر زیلینکو نے کروناوائرس سے متاثرہ سینکڑوں مریضوں کا علاج کیا۔ امریکی ڈاکٹر نے متاثرہ مریضوں کے علاج کے لئے ہائیڈروکسائکلوروکین کو ایزیتومائکسن (زی-پاک)اور زنک سلفیٹ کے ساتھ ملا کر دیا، ڈاکٹر نے بتایا کہ یہ دوائی دینے کے بعد مریضوں میں چار سے چھ گھنٹے کے سانس کے مسئلے میں بہتری آنے کی علامات سامنے آئیں۔ انہوں نے بتایا
کہ اس دوا کے ساتھ نیو یارک میں 699 متاثرہ مریضوں کے علاج میں کامیابی حاصل کی ہے۔ ڈاکٹر نے انٹرویو کے دوران اپنے تجربات شیئر کئے اور کہا کہ اس نے جن 699 مریضوں کا علاج کیا ان میں سے کسی کی بھی نہ توطبیعت خراب ہوئی نہ ہی ان میں سے کسی کی موت ہوئی۔ انہوں نے بتایاکہ ابھی چار مریض زیر علاج ہیں۔ امریکی ڈاکٹر کا کہنا ہے کہ اس دوائی پر 20 امریکی ڈالر خرچ آتا ہے اور مریض پانچ دن میں سو فیصد صحت یاب ہو جاتا ہے۔ انہوں نے علاج کے دوران کسی کی موت نہ ہونے کو اپنی کامیابی قرار دیا۔ امریکی ڈاکٹر نے اپنے ویڈیو پیغام میں امریکی صدر سے درخواست کرتے ہوئے کہا کہ وہ عوام کو بھی یہی دوا لینے کی نصیحت کریں۔ نیشنل انسٹی ٹیوٹ آف ہیلتھ کے مطالعے نے بھی ڈاکٹر کے کچھ نتائج کی تصدیق ہے۔ اس مطالعہ سے پتہ چلا کہ وہ بچے جنہیں سانس لینے میں تکلیف محسوس ہوتی ہے ڈاکٹر کی دوائی سے ان کی سانس کی نالی کے انفیکشن ٹھیک ہو گئے۔