واشنگٹن(این این آئی )امریکی نائب صدر مائیک پینس نے اعلان کیا ہے کہ وہ جلد ہی اپنا اور اپنی اہلیہ کا کرونا وائرس کا ٹیسٹ کرائیں گے۔غیرملکی خبررساں ادارے کے مطابق انہوں نے وائٹ ہاؤس میں ایک پریس کانفرنس میں کہا کہ اگرچہ وائٹ ہاؤس کے ڈاکٹر نے یہ واضح کیا کہ مجھے یہ یقین نہیں کرنا چاہیے کہ مجھے کرونا کے

انفیکشن کا خطرہ ہے۔ مجھے لمبے چوڑے طبی معائنے کی ضرورت نہیں۔ میں اپنی تمام سیاسی اور پیشہ وارانہ ذمہ داریاں ادا کرتا رہوں گا۔ میری اہلیہ بھی اپنا چیک اپ کرائیں گی۔انہوں نے مزید کہا کہ وائٹ ہائوس کا ایک عہدیدار کرونا کا شکار ہوا ہے تاہم میں نے اور صدر ٹرمپ نے اس سے ہاتھ نہیں ملایا۔ تاہم ان کا یہ بھی کہنا تھا کہ متاثرہ ملازم اب بہتر ہے۔