اسلام آباد(مانیٹرنگ ڈیسک)ایران اور امریکہ کی کشیدگی کاشکار ہونے والے بدقسمت یوکرائنی طیارے کی حقیقت کااعتراف ایرانی حکومت نے اس وقت کیا جب ایرانی صدر حسن روحانی نے استعفیٰ کی دھمکی دی۔امریکی اخبار نیویارک ٹائمز کی رپورٹ کے مطابق 8جنوری کو ایرانی پاسداران انقلاب کو طیارے کی تباہی کے چند ہی منٹوں بعد پتہ چل گیا تھا کہ انہوں نے کیا غلطی کردی لیکن یوکرائنی طیارے کی غلطی سے تباہی کے معاملے کو انہوں نے 3 دن تک صدر حسن روحانی سے چھپا کر رکھا۔اخبار کے مطابق تین روز بعد یعنی 11 جنوری کو ایرانی صدر حسن روحانی کو حقیقت بتائی
گئی تو انہوں نے ڈیڈ لائن دے دی کہ فوری طور پر اس کی ذمہ داری قبول کی جائے ورنہ وہ استعفیٰ دے دیں گے۔ایرانی صدر کے ردعمل کے بعد ایرانی سپریم لیڈر نے بھی معاملے میں مداخلت کی اور حکم دیا کہ واقعے کی ذمہ داری قبول کی جائے۔