واشنگٹن(آن لائن)ایک سعودی فوجی طالبعلم جس نے گزشتہ روزایک امریکی بحری اڈے میں تین افرادکوہلاک کیاہے،نے حملہ کرنے سے قبل امریکہ کے بارے میں ”شیطان کی قوم“کانعرہ بلندکرکے حملہ کیا،یہ بات ایس آئی ٹی ای انٹیلی جنس گروپ نے بتائی۔ایس  آئی ٹی  ای جوجہادیوں کی میڈیا مانیٹر کرتا ہے، نے قاتل کی شناخت محمدالشمرانی کے نام سے کی ہے اورکہاہے کہ اس نے ٹوئیٹر پرایک مختصر منشورپوسٹ کیاتھا،

جس میں تحریرکیاگیاتھاکہ میں شیطان کامخالف ہوں،اورامریکہ من حیث القوم شیطان کی قوم بن چکی ہے۔انہوں نے تحریرکیاکہ میں صرف امریکی ہونے کی وجہ سے آپ کامخالف نہیں ہوں،میں آپ سے آپ کی آزادی کی وجہ سے نفرت نہیں کرتا،میں آپ سے اس لئے نفرت کرتاہوں کہ آپ ہرروزناصرف مسلمانوں بلکہ پوری انسانیت کے خلاف جرائم کرتے ہیں،ان کی حمایت اورفنڈنگ کرتے ہیں۔

موضوعات:امریکی بحری اڈے