دہلی (مانیٹرنگ ڈیسک) وزیراعظم پاکستان عمران خان کے کشمیر بارے دو ٹوک موقف پر بھارتی عمران خان کے خلاف کوئی موقع ضائع کئے بغیر ان کے خلاف بیان جاری کرتے رہتے ہیں، ایسے ہی ایک بھارتی ریٹائرڈ میجر جو پاکستان، مسلح افواج اور مسلم دشمنی میں پیچھے نہیں رہتے، جب بھی انہیں موقع ملتا ہے وہ سوشل میڈیا پر بیانات دینے میں سب سے آگے ہوتے ہیں، ریٹائرڈ بھارتی میجر گورو آریا نے اپنے ایک ٹویٹ میں آزادی مارچ کی
تصویر لگاتے ہوئے اسے موضوع بحث بنایا ہے، بھارتی ریٹائر میجر نے کہا کہ پاکستان کے شہر سکھر سے آزادی مارچ کا آغاز ہو گیا ہے، دو سال قبل لوگوں کا اجتماع گو نواز گو کے نعرے لگا رہا تھا لیکن آج نعرہ مختلف ہے، آج گو نیازی گو کا نعرہ لگ رہا ہے۔ بھارتی ریٹائرڈ میجر نے لکھا کہ وقت کیسے بدل جاتا ہے۔ واضح رہے کہ یہ اس وقت بطور صحافی کام کر رہے ہیں اور ایک انڈین چینل پر پروگرام کی میزبانی بھی کر رہے ہیں۔
