واشنگٹن(این این آئی)امریکی صدر ڈونلڈ ٹرمپ نے کہا ہے کہ وہ خام تیل پیدا کرنے والے ممالک کی تنظیم اوپیک سے کہتے ہیں کہ عالمی منڈیوں میں خام تیل کی قیمت کو کم کرنے کے عملی اقدامات کرے۔ امریکی اتحادی ممالک جیسے کہ سعودی عرب ہے، وہ خام تیل کی پیداوار میں اضافہ کریں گے تا کہ عالمی منڈیوں میں استحکام رہے۔
میڈیارپورٹس کے مطابق ٹرمپ نے کہاکہ بغیر وجوہات کے خام تیل کی قیمتوں میں اضافہ دیکھا گیا ہے اور اب اس میں کمی واقع ہونا شروع ہو چکی ہے۔ ٹرمپ کے مطابق انہوں نے اوپیک تنظیم سے بات کی ہے اور قیمتیں مزید کم ہو جائیں گی۔ امریکی صدر کے مطابق امریکی اتحادی ممالک جیسے کہ سعودی عرب ہے، وہ خام تیل کی پیداوار میں اضافہ کریں گے تا کہ عالمی منڈیوں میں استحکام رہے۔
