صنعاء(این این آئی)یمن کی ایرانی حمایت یافتہ حوثی ملیشیا نے بدھ کے روز مغربی ساحلی علاقے الحدیدہ میں شہری آبادی پر گولہ باری کی جس کے نتیجے میں تین خواتین سمیت 12 عام شہری جاں بحق اور22 زخمی ہوگئے۔گولہ باری کے نتیجے میں شہری املاک مکانوں اور دیگر املاک کو بھی غیرمعمولی نقصان پہنچا ،عرب ٹی وی کے مطابق حوثی باغیوں نے الحدیدہ گورنری میں الربصہ کالونی میں قائم النجاح اسکول پر گولہ باری کی۔ حوثیوں کی وحشیانہ گولہ باری سے تین خواتین سمیت 12 شہری
مارے گئے۔گولہ باری کے نتیجے میں شہری املاک مکانوں اور دیگر املاک کو بھی غیرمعمولی نقصان پہنچا ۔ادھر یمنی فوج کے العمالقہ بریگیڈ کے شعبہ اطلاعات کی طرف سے جاری کردہ ایک بیان میں کہا گیا کہ حوثی باغیوں نے الحدیدہ میں التحیتا ڈاریکٹوریٹ کے زیرانتظام آنے والے علاقوں پر بلا اشتعال گولہ باری کی جس کے نتیجے میں املاک کو نقصان پہنچا۔یمنی فوج کا کہنا تھا کہ حوثی باغیوں نے شہری آبادی پر توپ خانے کے ساتھ ساتھ ھاون راکٹوں ارو لومیزائلوں سے بھی حملے کیے۔
