تہران(این این آئی)ایران میں شدید سیلابوں کے نتیجے میں ہلاک ہونے والوں کی تعداد باسٹھ تک پہنچ گئی ہے۔غیرملکی خبررساں ادارے کے مطابق لیگل میڈیسن آرگنائزیشن کے سربراہ احمد شواجی نے یہ بات بتائی ۔غیرملکی خبررساں ادارے کے مطابق ان کے بقول قریب پندرہ ایام سے جاری سیلابی سلسلے میں ملک کے اکتیس میں سے
گیارہ صوبے متاثر ہوئے ہیں۔ اس قدرتی آفت کے سبب سب سے زیادہ تباہ کاریاں مغربی صوبے لورستان اور شمالی صوبے گولستان میں دیکھی گئیں، جہاں بالترتیب گیارہ اور آٹھ افراد کی ہلاکت ریکارڈ کی گئی۔ ایران میں جاری حالیہ سیلابوں سے بارہ ہزار کلومیٹر کا رقبہ یا ملک بھر میں سڑکوں کے نیٹ ورک کا چھتیس فیصد حصہ متاثر ہو چکا ہے۔