ایتھنز(این این آئی)یونان میں 5.3شدت کے زلزلے کے جھٹکے محسوس کیے گئے تاہم زلزلے کے نتیجے میں کسی جانی یا مالی نقصان کی اطلاعات ابھی موصول نہیں ہوئیں۔غیرملکی خبررساں ادارے کے مطابق یونان کے حکام نے بتایاکہ دارالحکومت ایتھنز میں گزشتہ روز مقامی وقت کے مطابق دوپہر بارہ بج کر چھیالیس منٹ پر زلزلے کے

جھٹکے محسوس کیے گئے۔ یونانی حکام نے وسطی یونان میں آنے والے اس زلزلے کی طاقت ریکٹر اسکیل پر پانچ اعشاریہ تین ریکارڈ کی ہے۔ بتایا گیا ہے کہ اس زلزلے کا مرکز ایتھنز کے شمال مغربی حصے سے تقریباً132 کلومیٹر دور زمین میں 13.7کلومیٹر کی گہرائی میں ریکارڈ کیا گیا۔ زلزلے کے نتیجے میں کسی جانی یا مالی نقصان کی اطلاعات ابھی موصول نہیں ہوئیں۔

موضوعات:زلزلہ