بیجنگ(آن لائن) چین نے ایک بار پھر واضح کی اہے کہ وہ تنازعہ کشمیر کے حوالے سے پاکستان کے موقف کی حمائت کرتا ہے اور دہشتگردی کے خلاف جنگ میں ملک کی جانب دی جا رہی قربانیوں کا اعتراف کرتا ہے ۔ ملکی خبررساں ادارے کے مطابق چینی وزی رخارجہ وانگ ژی نے صحافیوں کے ساتھ بات چیت کرتے ہوئے کہا کہ پاکستان بھارت کے مابین اچھے پڑوسیوں والے دوستانہ تعلقات کے خواہاں ہیں انہوں نے کہا کہ پاکستان نے انسداد دہشتگردی سے معلق بہت سے اہم اعلانات کئے جو دہشتگردی کے خلاف پاکستان کی جنگ کی پالیسیوں ،
کوششوں کے عین مطابق ہیں ۔ انہوں نے کہا کہ عالمی برادری کو پاکستان کے اس عمل کی حقیقی بنیادوں پر حوصلہ افزائی کرنی چاہئے ۔ انہوں نے کہاکہ اقوام متحدہ کی سلامتی کونسل کا کسی فرد یا جماعت کو دہشتگردانہ فہرست میں ڈالنا انتہائی حساس ایشو ہے اور چین اس معاملے کو سنجیدگی سے لے گا ۔ انہو ں نے کہا کہ افغانستان میں ایسا کوئی خلا جسے بھرنے کی ضرورت ہو ۔ انہوں نے یہ بات زور دے کر کہی کہ عالمی برادری افغان مفاہمتی عمل کے ساتھ بھرپور تعاون کرے اور امن مذاکرات کے لئے تعمیری کردار ادا کیا جائے ۔
