واشنگٹن(این این آئی)امریکا نے وینزویلا کی حکومت کو خبردار کیا ہے کہ وہ اپوزیشن رہنما ء خوان گوآئیڈو کی وطن واپسی پر ان کے خلاف کسی کارروائی سے باز رہے۔ غیرملکی خبررساں ادارے کے مطابق گوآئیڈو لاطینی امریکی ملکوں کے دورے کے بعد وطن واپس پہنچے ہیں۔ قبل ازیں گوآئیڈو نے اپنے حامیوں سے درخواست کی کہ
وہ ان کی آمد کے موقع پر ملک میں بڑے پیمانے پر مظاہرے کریں تاکہ حکومت پر دباؤ بڑھایا جا سکے۔ادھر امریکی سلامتی کے مشیر جان بولٹن نے اپنے ایک ٹوئیٹر پیغام میں کہا ہے کہ اگر گوآئیڈو کے خلاف کوئی کارروائی کی گئی تو امریکا اور بین الاقوامی برادری اس کا سخت جواب دے گی۔
