ہیلسنکی (نیوز یسک) بیلنگ کیٹ فن لینڈ کی معروف ویب سائٹ ہے جس کے بانی صحافی ایلیٹ ہیگنز ہیں جو کہ جنگ زدہ علاقوں میں شواہد کا جائزہ لینے اور تحقیقات کے بعد اپنے نتائج جاری کرتی ہے، اس ویب سائٹ کی جانب دنیا کی توجہ اس وقت ہوئی جب اس نے یوکرین کے مشرقی علاقے میں جاری جنگ کے دوران گرائے جانے والے ملائشین طیارے ایم ایچ 17 سے متعلق سیٹلائٹ سے فراہم کی جانے والی جعلی تصاویر کا مشاہدہ کیا اور اس کی رپورٹ شائع کی۔ معروف صحافی نے نتیجہ اخذ کیا ہے کہ بھارت کی طرف سے

پاکستان کا ایف 16 گرانے کا دعویٰ غلط ہے کیونکہ اس حوالے سے کوئی مضبوط شواہد سامنے نہیں آئے ہیں۔ بیلنگ کیٹ کے صحافی ویلی پیکالٹ جو کہ ٹیکنالوجی کے ماہر ہیں، نے اپنی رپورٹ میں کہا کہ تصاویر اور تمام ثبوت یہ ثابت کرتے ہیں کہ یہ ملبہ دراصل بھارتی طیارے مگ 21 کا ہے نہ کہ پاکستان کے ایف سولہ طیارے کا۔سوشل میڈیا پر گردش کرنے والی تصاویر کا بیلنگ کیٹ نے چار مختلف پہلوؤں سے تفصیلی جائزہ لیا اور پاکستان کی طرف سے جاری تصاویر کا ان سے موازنہ کیا تو تمام حقائق سامنے آ گئے۔