صنعاء(این این آئی)یمن کے وسطی علاقے میں ایران نواز حوثی ایک مسجد میں آپس میں لڑ پڑے جس کے نتیجے میں ایک عام شہری جاں بحق اور 5 حوثی باغی زخمی ہوگئے۔ہلاک ہونیوالے شخص کی شناخت قاید بن احمد بن غانم کے نام سے کی گئی ہے جب کہ زخمیوں میں صالح حمود، مصطفیٰبن ھزاع، محمد احمد ھزاع، علی بن حمود بن ھزاع شامل ہیں۔عرب ٹی وی کے مطابق مقامی ذرائع کا کہنا تھا کہ وسطی گورنری اب کی جنوب مغربی ڈاریکٹوریٹ مذخیر میں حوثی باغی ایک مسجد میں ایک دوسرے سے لڑپڑے اور
ایک دوسرے پر فائرنگ کردی جس کے نتیجے میں ایک عام شہری مارا گیا جب کہ پانچ حوثی زخمی ہوگئے۔ذرائع کا کہنا تھا کہ یہ لڑائی الضباری کے مقام پر ایک مسجد میں جمع حوثیوں کے درمیان نشہ آور بوٹیقات کی کاشت کے حوالے سے ہوئی جس میں نوبت فائرنگ تک جا پہنچی۔ فائرنگ کے نتیجے میں ایک شہری جاں بحق اور پانچ باغی زخمی ہوگئے۔ہلاک ہونیوالے شخص کی شناخت قاید بن احمد بن غانم کے نام سے کی گئی ہے جب کہ زخمیوں میں صالح حمود، مصطفیٰبن ھزاع، محمد احمد ھزاع، علی بن حمود بن ھزاع شامل ہیں۔
