تہران(این این آئی)ایرانی فورس سپاہ قدس کے کمانڈر قاسم سلیمانی نے امریکا کے ساتھ معاہدہ 2 کا مطالبہ کرنے والوں کو دشمن قرار دیتے ہوئے انہیں سخت تنقید کا نشانہ بنایا ہے اورکہاہے کہ جو لوگ بھی اس طرح کے سمجھوتے کی کوشش کر رہے ہیں ان کا مقصد اسلامی گروپوں کو بے اثر بنانا ہے تاہم ایرانی کمانڈر نے یہ واضح نہیں کیا کہ یہ کون لوگ ہیں۔یاد رہے کہ ایرانی صدر حسن روحانی نے سابقہ مواقع پر پہلی مرتبہ معاہدہ2 کی عبارت

کا استعمال کیا۔میڈیارپورٹس کے مطابق جنوبی ایران کے شہر کرمان میں خطاب کے دوران سلیمانی نے واضح کیا کہ معاہدہ 2 یا معاہدہ3 کا خیال سابق امریکی صدر باراک اوباما کے منصوبے میں شامل تھا۔ تاہم اب جوہری معاہدے سے علاحدگی کے بعد ڈونلڈ ٹرمپ جلد از جلد اسی منصوبے اور مقاصد کو پورا کرنے کے لیے کوشاں ہیں۔سلیمانی کے مطابق ایران کے ساتھ دوسرا معاہدہ طے کرنے کے پیچھے امریکا کا مقصد یہ ہے کہ اسلامی جمہوریہ (ایران) کو سبوتاڑ کیا جائے۔