نئی دہلی (این این آئی)ترجمان پاک فوج کی پریس بریفنگ دکھانابھارت کے 13 ٹی وی چینلز کو بھاری پڑ گیا،پاک فوج کے ترجمان کی پریس بریفنگ دکھانے پر بھارت میں 13 ٹی وی چینلز کو شوکاز نوٹس جاری کر دیا گیا۔ ذرائع کے مطابق شوکاز نوٹس بھارت کے بڑے چینلز کو جاری کئے گئے۔ ذرائع کے مطابق جن چینلز کو شوکاز جاری کئے گئے ان میں اے بی پی نیوز، سوریا سماچار،ترنگا ٹی وی، نیوز نیشن، زی ہندوستان،ٹوٹل ٹی وی،نیوز 18 لوکمٹ۔ جے مہاراشٹرا۔ نیوز 18 گجراتی۔ نیوز 24۔ سندیش نیوز۔ نیوز 18 انڈیا اور اے بی پی ماجھا شامل ہیں۔