ریاض(این این آئی) سعودی عرب نے ملکی تاریخ میں پہلی مرتبہ کسی خاتون کو بطور سفیر امریکا میں تعینات کردیا ہے۔سعودی عرب کے سرکاری میڈیا کے مطابق سعودی عرب کے فرمانروا شاہ سلمان کے بیٹے شہزادہ خالد بن سلمان کی جگہ اب شہزادی ریما بنت بندر بن سلطان کو امریکا میں سعودی سفیر مقرر کیا گیا ہے۔

شہزادہ خالد بن سلمان اب سعودی عرب کے ڈپٹی وزیر دفاع کی حیثیت سے خدمات سرانجام دیں گے۔ اس سلسلے میں باضابطہ طور پر شاہی فرمان جاری ہوگیا ہے۔شہزادی ریما کے والد شہزادہ بندر بن سلطان 1983 سے 2005 تک امریکا میں سعودی عرب کے سفیر کی حیثیت سے خدمات سرانجام دے چکے ہیں۔

موضوعات:سعودی خاتون