قاہرہ(این این آئی) مصر کے شمالی شہر جیزہ میں بم دھماکے کے نتیجے میں 3افراد زخمی ہوگئے۔غیر ملکی میڈیا کے مطابق مصری سیکیورٹی فورسز کو دیسی ساختہ بم جیزہ شہر کے وسطی اسکوئر میں واقع مقامی مسجد کے قریب پل کے نیچے سے ملا تھا جس پر بم کو ناکارہ بنانے کے لئے خصوصی ٹیم کو طلب کیا گیا تھا ۔

عینی شاہدین کے مطابق ٹیم نے بم کو پانی کے پریشر سے ناکارہ بنانے کی کوشش کی تھی جس کے باعث زوردار دھماکا ہوگیا اور وہاں موجود تین افراد زخمی ہوگئے۔حکام کا کہنا ہے کہ کالعدم جماعت الاخوان المسلمون کے انتہاپسندوں نے بم نصب کرکے سیکورٹی فورسز کو نشانہ بنانے کی کوشش کی تھی۔

موضوعات:مصر