مقبوضہ بیت المقدس(این این آئی )فلسطینی تحریک فتح کے سیکرٹری جنرل جبریل الرجوب نے قضیہ فلسطین کے حوالے سے سعودی عرب کے موقف پر مکمل اعتماد کا اظہار کیا ہے اورکہاہے کہ سعودی عرب مسئلہ فلسطین کے حوالے سے کسی خفیہ ایجنڈے پر عمل پیرا نہیں،سعودی عرب خفیہ اور اعلانیہ ہر اعتبار سے فلسطینیوں کے دیرینہ حقوق کی حمایت کرتا ہے۔فلسطینی ریڈیو سے بات چیت کرتے ہوئے انہوں نے کہاکہ امید ہے سعودی ولی عہد
اسرائیل کے ساتھ تعلقات قائم نہ کرنے کی پالیسی کو پوری عرب دنیا کی تزویراتی حکمت عملی میں تبدیل کرنے کی کوشش کریں گے۔ایک سوال کے جواب میں انہوں نے کہا کہ فلسطینی قیادت کے پاس اس بات کی معلومات ہیں کہ سعودی ولی عہد شہزادہ محمد بن سلمان نے سعودی عرب میں امریکی حکام پر واضح کیا تھا کہ ان کا مْلک ایسا کوئی امن معاہدہ قبول نہیں کرے گا جس میں فلسطینیوں کے دیرینہ اور اصولی مطالبات تسلیم نہیں کیے جائیں گے۔
