ماسکو(این این آئی)تخفیف اسلحے کے آئی این ایف معاہدے سے دستبرداری کے بعد روس نئے میزائل بنانے کی تیاری کر رہا ہے۔غیرملکی خبررساں ادارے کے مطابق روسی وزیر دفاع سرگئی شوئیگو نے ایک بیان میں کہاکہ اس اور اگلے برس ان میزائلوں کی ایسی قسمیں تیار کی جائیں گی، جنہیں زمین سے داغا جا سکے گا۔
ایسے میزائل روسی بحریہ استعمال کر رہی ہے۔ ان کے بقول ساتھ ہی اگلے دو برسوں کے دوران طویل فاصلے تک اپنے ہدف کو نشانہ بنانیکی صلاحیت رکھنے والے میزائل بنانے کا منصوبہ بھی ہے۔ امریکا نے آئی این ایف معاہدے سے الگ ہونے کا اعلان کیا تھا تاہم روس پہلے ہی آئی این ایف سے مکمل طور پر دستبردار ہو گیا تھا۔
