کربلا(این این آئی)عراقی شہر کربلا میں ایک معروف ادیب اور ناول نگار اعلیٰ مشذوب کو نامعلوم حملہ آوروں نے گولیاں مار کر ہلاک کر دیا گیا۔غیرملکی خبررساں دارے کے مطابق حملہ آور موٹر سائیکل پر سوار تھے۔ مشذوب کو ان کے گھر کے قریب ہی قتل کیا گیا۔ عراقی ادیبوں کی یونین نے اس ہلاکت کی مذمت کرتے ہوئے اس کی ذمہ
داری سکیورٹی فورسز پر عائد کرتے ہوئے کہا کہ وہ دانشوروں کے تحفظ میں ناکام ہو چکی ہے۔ عراقی وزیر ثقافت و سیاحت عبدل امیر الہمدانی نے افسوس کا اظہار کرتے ہوئے کہا کہ عراق کے ثقافتی منظر سے ایک خاص ادیب اوجھل ہو گیا ہے۔ اعلیٰ مشذوب کی عمر پچاس برس تھی۔ وہ مقامی سول سوسائٹی کے بھی سرگرم اور فعال کارکن تصور کیے جاتے تھے۔
