خرطوم (این این آئی)سوڈان کے صدر عمر البشیر ایک روزہ دورے پر مصری دارالحکومت قاہرہ پہنچ گئے۔ غیرملکی خبررساں ادارے کے مطابق مصری حکومت کے ایک ترجمان نے بتایاکہ بتایا گیا ہے کہ اس دوران انہوں نے اپنے مصری ہم منصب عبدالفتاح السیسی کے ساتھ کئی اہم امور پر تبادلہ خیال کیا۔سوڈانی شہری گذشتہ ایک ماہ سے مہنگائی کے خلاف سراپا احتجاج بنے ہوئے ہیں۔
انھوں نے حکومت کی جانب سے روٹی کی قیمت میں اضافے کے خلاف احتجاج شروع کیا تھا۔اس دوران میں انھوں نے تمام چھوٹے بڑے شہروں میں احتجاجی مظاہرے کیے ہیں اور اب وہ سوڈانی صدر سے اقتدار چھوڑنے کا مطالبہ کررہے ہیں لیکن وہ ان کے مطالبے پر مستعفی ہونے کا انکار کرچکے ہیں۔واضح رہے کہ مصر کے وزیر خارجہ سامح شکری نے دسمبر میں خرطوم کے دورے کے موقع پر سوڈانی حکومت کی حمایت کا اظہار کیا تھا۔انھوں نے صحافیوں سے گفتگو کرتے ہوئے کہا تھا کہ مصر کو اعتماد ہے کہ سوڈان موجودہ صورت حال پر قابو پا لے گا‘‘۔ انھوں نے کہا تھا کہ مصر ہمیشہ سوڈان کی مدد کے لیے تیار رہا ہے۔اب سوڈان میں صدر عمر حسن البشیر کے خلاف احتجاجی مظاہروں میں ان سے استعفے کے مطالبات میں شدت آرہی ہے لیکن بین الاقوامی سطح پر ان کے لیے حمایت کا بھی اظہار کیا جارہا ہے اور اب وہ ممالک بھی ان کی حمایت میں سامنے آگئے ہیں جو پہلے ان کے مخالف سمجھے جاتے تھے۔اگلے روز جنوبی سوڈان نے ان کے لیے دوٹوک انداز میں حمایت کا اظہار کیا تھا
