دوحہ (این این آئی)طالبان نے کہا ہے کہ قطر میں ان کے امریکی حکام کے ساتھ مذاکرات جاری ہیں اوراگر ان مذاکرات میں کوئی معاہدہ ہوتا ہے تو اس پر مزید بات کی جائے گی۔امریکی ٹی وی کے مطابق امریکا طالبان کے ساتھ مذاکرات کے ذریعے گزشتہ 17 برس سے افغانستان میں جاری
جنگ کا سیاسی حل تلاش کرنے کی کوشش میں ہے۔ طالبان کے ترجمان ذبیح اللہ مجاہد نے خبر رساں ادارے سے گفتگو کرتے ہوئے ان مذاکرات کی تصدیق کی اور کہا کہ یہ سلسلہ ابھی جاری ہے۔ ترجمان کے مطابق اگر ان مذاکرات میں کوئی معاہدہ ہوتا ہے تو اس پر مزید بات کی جائے گی۔
