ممبئی (این این آئی) بھارت کے شہر ممبئی میں ایک کتے کو 4 افراد نے گینگ ریپ کا نشانہ بناکر انسانوں کی حیوانیت کی شرمناک مثال قائم کی۔ غیر ملکی میڈیا کے مطابق ’اینیملز میٹر ٹو می نامی این جی او کو یہ کتا ممبئی کے علاقے ملوانی میں ایک چرچ کے قریب خون میں لت پت ملا۔رپورٹ کے مطابق یہ کتا عموماً اس مقام پر ہی دیکھا جاتا تھا،
تاہم کئی روز سے یہ لاپتہ تھا۔ این جی او سے تعلق رکھنے والی انکیتا پاٹھک نے بتایا کہ اس کتے کو جانوروں کے ہسپتال میں تشویشناک حالت میں منتقل کیا گیا، جہاں اس کا علاج جاری ہے۔ڈاکٹرز اس کے انفیکشن کو ختم کرنے کی کوشش کر رہے ہیں تاہم پورے دن خون ضائع ہونے کے باعث کتے کی حالت کافی خراب ہے۔انکیتا پاٹھک نے بتایا کہ معصوم جانور کافی زخمی اور ڈرا ہوا ہے۔سدھا فرنینڈس نامی مقامی خاتون اس علاقے کے کتوں کو کھانا کھلاتی ہیں جنہوں نے بتایا کہ انہیں دوپہر کے وقت یہ کتا خون میں لت پت ملا۔خاتون نے بتایا کہ میں نے اسے کھانا کھلانے کی کوشش کی، تاہم میرے قریب آتے ہی یہ بیحد ڈر گیا ٗ جب میں نے دیکھا کہ اس کے جسم کے مخصوص حصے شدید زخمی ہیں جبکہ یہ کافی تکلیف میں بھی ہے۔بعد ازاں ایک رکشہ ڈرائیور نے خاتون کو بتایا کہ رات دو بجے کے قریب 4 افراد نے نشے کی حالت میں اس کتے کو گینگ ریپ کا نشانہ بنایا۔ڈرائیور نے بتایا کہ ان افراد نے اس کتے کو منہ بند کیا ہوا تھا ٗاسے رسی سے باندھا ہوا بھی تھا، تاہم اس کی چیخوں سے میری توجہ اس تک گئی، میرے پہنچنے پروہ چاروں افراد موقع سے فرار ہوگئے۔سدھا فرنینڈس کے مطابق وہ اس معاملے کی شکایت بھی پولیس تھانے میں درج کروانے کا ارادہ کر رہی ہیں۔ بھارت کے شہر ممبئی میں ایک کتے کو 4 افراد نے گینگ ریپ کا نشانہ بناکر انسانوں کی حیوانیت کی شرمناک مثال قائم کی۔
