نیویارک(این این آئی)مشرق وسطیٰ کیلئے اقوام متحدہ کے خصوصی ایلچی نیکولائے میلاڈینوف نے کہا ہے کہ یو این مصر اور دیگر طاقتوں کیساتھ ملکر غزہ کی پٹی کو جنگ کی تباہی سے بچانے کی کوشش کررہی ہے۔عرب ٹی وی کے مطابق ایک بیان میں انہوں نے کہا کہ غزہ میں گھس کراسرائیلی فوج کی طرف سے کی گئی کارروائی اور جواب میں فلسطینی مزاحمت کاروں کے راکٹ حملوں کے بعد حالات تیزی کیساتھ جنگ کی طرف جا رہے ہیں۔
ہم مصر اور دیگر متعلقہ قوتوں کے ساتھ مل کر غزہ کو جنگ کی تباہی سے بچانےکیلئے سرتوڑ کوشش کررہے ہیں۔انہوں نے گذشتہ چوبیس گھنٹوں کے دوران غزہ میں جاری کشیدگی کو انتہائی خطرناک اور المناک قرار دیا۔ انہوں نے اسرائیل پر غزہ کی پٹی پر فضائی حملے اور فلسطینیوں پر راکٹ حملے روکنے پر زور دیا کہ اور تمام فریقین تحمل کا مظاہرہ کریں۔ تشدد کے نتیجے میں فلسطین میں ایک نئی جنگ بھڑک سکتی ہے۔
